啥人是厝內的桶箍？啥人是上夠力的神隊友？將一家人箍倚來拚幸福禮的《光榮島轉來 PLUS》，是親情感動人、遊戲好耍的家庭挑戰節目！
一切的愛攏對做伙贏幸福禮起鼓
阿爸為著挑戰「鹿角還狗哥」，親手捏的食物模型嘛甘願捧出來，予厝內人練播箍仔，這是無惜代價的愛！節目中的阿爸阿母佮古錐囡仔，甚至八九十的阿公阿媽，認真耍遊戲的眼神，無論失敗抑成功，攏是相伨到底的愛！主持人是夫妻，兩人相對手真鬥搭，予來挑戰的每一組家庭有難忘的回憶，一家人感情閣較峇！
台語文化結合夜市文化
逐家做伙練習遊戲，無論是佇厝內抑是去夜市仔實戰，那耍那練習，予台語佇生活中開根。台語複雜的聲調變化，心適趣味的俗諺語，無好紡的遊戲規則，考驗二位主持人，嘛歡迎觀眾朋友來高雄現場參加錄影，互相交流求進步。
假使你嘛想欲挑戰，緊點入去《光榮島轉來 PLUS》Facebook 官方迷眾頁報名，後一組登島贏著幸福禮的家庭，凡勢就是你！
