《種土》用有機農法救援塗壤佮大地

「咱的塗地強欲死去矣！」因為化學農藥的大量使用，予咱國家農地本來軟活的塗壤，變甲碇硞硞。憂煩塗壤強欲死去的青年「阿仁」放棄科技園區的工課，伊用都市人日常的廢物做有機肥，想欲「點濁物成金」，予塗壤恢復營養。另一面是老經驗的作穡人「安和兄」，伊堅持用純天然的自然農法，用「無為自然」的心法，將修復生機的工課交予塗壤佮大地。阿仁佮安和，兩種無仝款的作法但是用心相𫝛。顏蘭權導演用欲十冬的時間紀錄兩位主角的行動，看顧台灣塗地環保佇理想佮現實之間的搝搦，帶領觀眾親身感受台灣農業佮塗地的愛佮憂愁。